اياك اتوهم

[سعود الحميان]

إياك إتوهـم وتظن إنه تســـاهيــــل **اللــوت جايد وصعب ( ن ) منـــالـــه

اللوت ماهو حكي وسـوالف ليـــــل **اللـــوت نادر يا بـخت من طـــالــــــه

كلماهـزالذنب فرخ غنوله مواويــــل **وسموه أسم رنان ودزو به رســالــه

وكثر عليـه الهرج والقـال والقيـــــل **ودرو به كل الخليج جنوبه وشـمالــه

لايغرك فرخ زافـر تشـد به الحيــــل **أصبرعليه الموسم الثاني يبين كماله

إن شفته صمله ماهو حول تبطيــل **يطير الموسم الثالث بصفه عيــالــــه

والزين ماينتـهي جيــل بعد جيـــــل **بس قص وطير مضمـون بكفـــالـــــه

ماهوتجاري ردي عرضه للتبطيـــل **صـمـله وأصـلي طـالـع من وكــالـــــه

و الأصـلي مايبي شــرح وتفصيــل **واضـح وضـوح الشمس مايبغـي دلآله

دورعلى كحيـلان تلقاه أول الخيــل **دايـم بالصـداره محـد ( ن ) عـدالــــــه

وطـير الهوا دايـم له التـفضيـــــــل **وإن صـار لـوتـه حـلـو زاد بـجـمالــــــه

إبحــث عـن الـراس لا تتبع الذيـــل **الحر مسكنه فوووق بعـالي جبـالـــــه

وبالمــدح لاتبـالــغ حاول التقليــــل **خل طـيرك الناس تمـدح أفـعــالــــــه

ياما سمعـنا مــدح وردح وتـهـويــل **يوم جوهم الحكام إختـلفـت الحالـــــه

لايردكم هوا هذي دعــوة مهابيــل **إيــــاك إتســرع وتصيـــبك جـهالــــــه

وتنـدم على فعلك وتدور منـاديـــل **تمســح دمــوع الــنــدم و الرزالـــــــه

وكــلـام الصـج طيب ومـاله مثيــل **واللي يقــول الصـج يـرتـــاح بـالــــــه

قالوها قبلي أهـل الحكم والقيـــل **الصـــج يبــقى والتـصنف جهالـــــــه



سعود الحميان
(بوعبدالعزيز)

[خالد فهد العازمي]

صح لسانك يابوعبدالعزيز والله انك صاج والله ولحين بالصيف أخذ مدح وشرح عبالهم اللوت سهل وكل المدح علي فروخ
عبالهم السالفه ملاقف رقي

[عثمان المسيلم]

صح لسانك بو عبدالعزيز
ومبارك عليك الشهر وتقبل الله طاعتك

[محمد الوجيه]

تسلم ايدك بو عبد العزيزقصييده جميله ومعبره وتحكي عن الواقع..تسلم الايادي

[محمد النتيفي]

صح لسانك والله يعطيك العافيه

[خالد المشعان]

الله يعطيكـ العافيه بوعبدالعزيز

إبداع ماشاءالله وصاحب كلمه راقيه

وهالقصيده ماجت من فراغ بل هي تعكس الواقع اللي نعيشه بالهوايه

تحمل نصائح جميله لو يتقيّد بها الهاوي لنجح في هوايته

تسلم على طرحكـ المميز ونتمنى ونسعد بجديدكـ

شرفتنا وأسعدتنا

وسامحنا عـ الرد المتأخر

شكرا لكـ